Chic Academy منصة تعليمية تركّز على المهارات العملية في التجارة الإلكترونية،
الأزياء، والخياطة والتسويق. نقدّم محتوى مُحدَّثًا باستمرار،
وأدوات قابلة للتطبيق، ودعمًا مباشرًا لمساعدتك على إطلاق مشروعك بثقة.

🎯 الهدف من المجموعة

الهدف ديالنا فهاد المجموعة هو نواكبوكم إن شاء الله خطوة بخطوة، حتى تتعلمو وتوصلو للأهداف ديالكم.

غادي نحاولو من خلال هاد المجموعة نعاونوكم بجميع المعلومات اللي كانعرفو فهاد الدومين، وماشي غير غير بالكلام ولا السبورة، ولكن حتى بالتجربة والخدمة ديالنا اليومية.
حنا خدامين فهاد المجال، وأي وقت بغيتي تجي مرحبا بيك، غادي تلقانا خدامين على أرض الواقع الحمد لله. عندنا دابا أكثر من 8 سنوات تجربة فهاد الدومين.

حتى حنا فالأول بدّينا من والو، ومرّينا من سنين ديال الفشل، الصبر، والتجارب. شحال من مرة قلنا “صافي هاد الشي ما خدامش”، ولكن رجعنا عطينا فرصة أخرى لريوسنا.

والحمد لله، سنين ديال التعب والتمارة بدّات كتعطي الثمار ديالها.

داك الشي علاش بغينا نشاركو معاكم الطريقة الصحيحة، ونسهّلو عليكم الطريق، باش توصلو لهدفكم:
تفرحو راسكم
تفرحو عائلتكم
وتفرحو والديكم بالخصوص
وتوصلو للاستقلال المادي 💪

مرحبا بأي واحد باغي يتعلّم، يخدم، ويبدّل حياتو للأحسن 🤍